يارب ولد يا رب بنت
مبروك ما جالكم ربنا يطرح فيه البركة و يتربى فى عز ابوه *
طيب ولد و لا بنت *
مش مهم ولد و لا بنت المهم شقى و لا سعيد
اتكتبت له شهادة ميلاد فى الارض و فى السما كانت مكتوبة و كمان شهادة وفاته
و مرت ايام و سنين ........
باب وحش ماما وحشة*
جدع يا واد طالع حمش زى ابوك اشتم ماما تانى و اضريها لو حبيت *
الله دول ماما و بابا ضاربين فاكرين انى مش فاهم يعنى ايه شتيمة على العموم ما دام مبسوطين نشتم*
بابا وحش ماما وحشة *
لأ عيب ما حدش يشتم ماما *
انت بتكلم مين هو فاهم حاجة يا زوجى العزيز *
طبعا فاهم و لازم يتعلم الصح من الغلط *
........ و مرت الايام و السنين
ايه اللى فى ابد بابا ده دا بيطلع دخان كح كح كح *
تعالى يا ست انتى شوفى الواد بيكح و عمال يعيط *
بقولك ايه انا مش فاضية شغله قناة الاغانى *
ايه الكتاب اللى بابا ماسكه ده!!!! اما اشوفه*
لأ يا حبيبى ما تشدش المصحف دا كتاب ربنا اقعد جنبى و اسمعنى و انا بقرأ *
طيب يا بابا هى ماما لابسة الطرحة ليه فى البيت ؟؟؟ *
علشان ماما بتصلى و الستات لما يصلو لازم يغطوا شعرهم عشان الله يحبهم *
...... و مرت الا يام و السنين
ما شاء الله اشتد عودكم ربنا يبارك لكم انت مين ؟؟؟؟
انا بقى واد روش طحن مفيش بنت فيكى يا بلد الا و بتموت في و مقضيها بالطول و العرض *
و انت مين ؟؟؟؟
انا بقى مش بكلم اى حد لازم يكون واد روش و مطأطأانا اصلا لما بنزل الشارع او بطلع البلكونة كل شباب الجيران بيتجننوا على
و انت مين ؟؟؟؟
انا بأدرس و كل همى انى انجح و اخدم بلدى و الحمد لله بصلى *
و انت مين ؟؟؟
انا مسلمة و بصلى و من البيت للمدرسة و من المدرسة للبيت *
و مرت الايام و السنين .......
انت مين ؟؟؟؟؟؟
انا بقيت اب و مخنوق يخرب بيت العيال و خلفهم فلوس فلوس كل همهم الفلوس ما بيرحموش *
و انت ؟؟؟
الحمد لله ربنا رزقتى بنعمة البنون و ربنا يقدرنى و اربيهم احسن تربيه *
و مرت الا يام و السنين .......
انت مين ؟؟؟؟
ادينى طلعت على المعاش تحبى نعمل ايه بالفلوس دى يا ست انتى *
اول حاجة نفسى اشترى حتتين دهب اغيظ بيهم الست جارتى دى و الباقى حلال عليك هتعمل بيهم ايه ؟؟؟ *
هاشترى فيديو و دش و اب على وش الدنيابقى *
و انت ؟؟؟؟
الحمد لله فلوس المعاش اللى طلعتلى هجوز بيها بنتى و الباقى هحج بيهم انا و زوجتى ان شاء الله *
جواز مبارك و حج مبرور ان شاء الله
و انت ايه اخبارك ؟؟
انت يا ست انتى جيه عريس للبت ايه رأيك ؟؟
اسألها اهى عندك *
انت يا بت ايه رأيك ؟؟
مش موافقة طبعا اصل بصراحة يا ابا انا متجوزة عرفى *
شرفى يا بنت ال !!!!! فين السكينة ؟؟ *
لأ بنتى حرام عليك يا مصيبتى ... الحقونى قاتلها المجرم
حكمت المحكمة على المذنب بالاعدام شنقا
ان لله و ان اليه راجعون.......
و انت ايه اخبارك ؟
الحمد لله زوجت بنتى و طالعين نحج بكرةانا و زوجتى ان شاء الله *
لبيك اللهم لبيك لبيك لا شريك لك لبيك
زوجتى الصلاة خلصت و انت لسة ساجدة انت نمتى ؟ *
ان لله و ان اليه راجعون
يا ايتها النفس المطمئنة ارجعى الى ربك راضية مرضية فادخلى فى عبادى و ادخلى جنتى
ايه اخبار محبة الذهب ؟؟
البقاء لله ماتت فى شقتها بقالها اسبوع و محدش عرف انها ماتت غير لما شمينا ريحة طالعة من الشقة
الله يرحمها كانت مؤذية فى حياتها و بعد مامتها
امال ابنها فين ؟؟
دا فى دنيا تانية من المخدرات اللى بيشربها اعوذ بالله منه
و انت يا اخى الكريم اخبارك ايه ؟؟
الحمد لله على كل حال ابنى خلص دراسته ودخل الكلية الحربية و اتخرج ثوانى الباب بيخبط *
البقاء لله ابنك استشهد يا حج
ان لله و ان اليه راجعون اللهم اجرنى فى مصيبتى و اخلفنى خيرا منها *
و لا تحسبن الذين قتلوا فى سبيل الله امواتا" بل احياء عند ربهم يرزقون
و انت مين فيهم يا ترى الشقى ام السعيد ؟؟؟؟؟؟
امامك الخيار فاختار فانت مخير لا مسير انت عاوز تكون مين ؟؟؟؟
انت مين فيهم ؟؟؟؟؟
الأربعاء فبراير 04, 2015 3:10 pm من طرف daeah92
